Shopping Cart

Need help? Call +91 9535015489

📖 Paperback books shipping available only in India.

✈ Flat rate shipping

ಪುಟ್ಟನ ಪರಿಸರ ಪ್ರೇಮ

ಪುಟ್ಟನ ಪರಿಸರ ಪ್ರೇಮ

ಹಿತ್ತಲಲೊಂದು ಪುಟ್ಟನೆಯ ಜಾಗ
ಬಿತ್ತು ಕಣ್ಣವನ ಮಣ್ಣಿನ ನೆಲದಾಗ
ಹಿಡಿದ ಚಿಕ್ಕದೊಂದು ಗುದ್ದಲಿ ಕೈಯಾಗ

ಕೆತ್ತಿ ಹುಡಿಮಾಡಿ ಹದಗೊಳಿಸಿದನೆಲ್ಲ
ನೀರ ಹಾಯಿಸಿ ರಾಡಿಮಾಡಿದ ನೆಲವನೆಲ್ಲ
ಕೆಸರಾಗಿಸಿದ ಅಂಗಿ, ಚಡ್ಡಿಯನೆಲ್ಲ

ಒಳಹೊಕ್ಕು ಹಿಡಿದ ಅಮ್ಮಳ ಸೆರಗು
ಕೊಡೆನಗೊಂದು ಕಾಳೆಂದು ಹಾಕಿದನೊಂದು ಕೂಗು
ಕೊಟ್ಟು ಸಾಗುತಳಮ್ಮ ಎಂದಳು ಸಾಕು ಹೋಗು

ಜಿಗಿಜಿಗಿದು ಪುಟ್ಟ ನಡೆದ ಹಿತ್ತಲಿಗೆ
ಗುಂಡಿ ತೆಗೆದ ಹಿಡಿದು ಗುದ್ದಲಿ ಸಲಿಕೆ
ಇಟ್ಟ ಬೀಜವನು ನಡು ಮಧ್ಯದೊಳಗೆ

ದಿನಗಳುರುಳಿದವು ನಿದ್ದೆ ಮಾಡದಾದ
ಘಳಿಗೆಗೊಮ್ಮೆ ನೋಡುವುದ ಬಿಡದಾದ
ಕಡೆಗೂ ಬಂತು ಚಿಕ್ಕ ಮೊಳಕೆ ಆಶ್ಚರ್ಯಚಕಿತನಾದ

ಅಮ್ಮ ಬೆಳೆಸಿದಂತೆ ತನಗೆ ಬಿಡದೆ ನಿತ್ಯ
ನೀರನುಣಿಸಿ ಸಸಿಯ ಗಿಡವಾಗಿಸಿ ನಕ್ಕ
ಜೊತೆಯಲಿ ಬೆಳೆದು ತಾನು ದೊಡ್ಡವನಾದ ಗಿಡವೂ ಮರವಾಯ್ತು

ತಂಪನೀಡುವುದ ಕಂಡು ಹರ್ಷಿತನಾದ
ಹಸಿರ ಆಶ್ರಯದಲಿ ಕುಳಿತು ಲೇಖನಿ ಹಿಡಿದ
ಪುಟ್ಟನಿಂದು ಪರಿಸರಪ್ರೇಮಿಯಾಗಿ ಕವಿಯಾದ.

One comment

This site uses Akismet to reduce spam. Learn how your comment data is processed.