Shopping Cart

Need help? Call +91 9535015489

📖 Paperback books shipping available only in India.

✈ Flat rate shipping

ಮನಸ್ಸಾಕ್ಷಿ

ಮನಸ್ಸಾಕ್ಷಿ

ಎಡ ಬಲಗಳಲಿ ದ್ವಾರಪಾಲಕರಂತೆ
ಇಹವು ಎರಡು ಮನಗಳು
ಒಂದೊಂದೂ ಭಿನ್ನ ವಿಭಿನ್ನ
ಅಂತರಂಗದಲಿರುವವು

ನಿತ್ಯ ಸತ್ಯವು ಸಹಿಸದವಮಾನವು
ಕೃತ್ರಿಮ ಕಾಯಕಕೆ ನಿರ್ಭಂಧವು
ತೋರಿಕೆಯ ಅವಗುಣಗಳ ಸಹಿಸದು
ಅದುವೇ ಮನಸ್ಸಾಕ್ಷಿ

ಸುಗುಣ ಕಾರ್ಯ ನಡೆಯುತಿರಲು
ಅಡ್ಡಿ ಮಾಡಲಿಹುದು ಒಂದು ಮನವು
ಹರಿಹಾಯಲು ಬಿಡದೇ ಹಿಡಿದಿಡುವುದು
ಅದುವೇ ಮನಸ್ಸಾಕ್ಷಿ!

ಮಾಡು ಎನ್ನುವುದೊಂದು ಮನ
ಬೇಡವೆನುವುದಿನ್ನೊಂದು ಮನ
ಹೊಯ್ದಾಟದೊಳಿರುತಿರಲು ಸರಿ
ದಾರಿ ತೋರುವುದು ಮನಸ್ಸಾಕ್ಷಿ

ನಿರ್ದಯಿಯಾದೊಡೆ ಒಪ್ಪುವುದಿಲ್ಲ
ದಯೆತೋರು ಹಳಿಯದಿರೆನುವುದು
ಅಪಹಾಸ್ಯ ಅವಮಾನಗಳಲಿ ನಿನ್ನ
ನೀ ನೋಡೆನುವುದು ಮನಸ್ಸಾಕ್ಷಿ!

ದುರಾಲೋಚನೆಯೊಳಿರುತಿರಲು
ಬೆರಳು ಮಾಡಿ ಪರರ ತೋರಿಸುತಿರಲು
ಉಳಿದ ನಾಲ್ಕು ಬೆರಳ ಕಡೆ ನಿನ್ನ
ಲಕ್ಷ್ಯವಿರಲೆಂದು ಎಚ್ಚರಿಸುವುದು ಮನಸ್ಸಾಕ್ಷಿ!

One comment

  1. Super madam en ಬರೀತೀರಿ.

This site uses Akismet to reduce spam. Learn how your comment data is processed.