Shopping Cart

Need help? Call +91 9535015489

📖 Paperback books shipping available only in India.

✈ Flat rate shipping

ಹೊಸದಿಕ್ಕು

ಹೊಸದಿಕ್ಕು

ಅನಂತ ಪ್ರೀತಿಯ ಹುದುಗಿಸಿ ಅಂತರಾಳದೊಳು
ಹೊತ್ತು ತಂದೆ ನೂರು ಕನಸುಗಳ ಹೃದಯದೊಳು
ಮನ ಬಯಸಿತ್ತು ನಿನ್ನೊಲುಮೆಯನಂದು
ಜೀವನ ನೌಕೆಯ ತಿರುವು ಬದಲಾಗಿತ್ತು
ವಿಧಿ ಬೇರೆ ಬರೆದಿತ್ತು.
ಕಾಲವೂ ಪರೀಕ್ಷೆಗಳನೆಸಗಿತ್ತು.
ನಂಬುಗೆಯ ಗೊಡೆಯಲಿ ಬಿರುಕು ಕಂಡೆ
ಶುಭ್ರ ಹೃದಯದೊಳು ಕಪ್ಪು ಚುಕ್ಕೆ ಕಂಡೆ
ನನ್ನಾಸೆಗಳ ಅಂತ್ಯವರಿತಾಗ
ಹೃದಯವಿಂದು ಕದಡಿರಲಾಗಿ
ಕಾಲ ಸರಿದು ಕೂದಲಿಗೆ ನೆರೆ ಬರಲಾಗಿ
ನಯನವಿಂದು ಮಂಜಾಗಿರಲು
ರಸ ತೆಗೆದ ಸಿಪ್ಪೆಯಂದದಿ ಮನವಾಗಿರಲು
ನಿರೀಕ್ಷೆಗಳಂದಿನ ಹೊಸ ಮಗ್ಗಲು ಪಡೆದಿರಲು
ಸಂತಸದಿ ನೀನಿಂದು ಬಂದೆ ಗೆಳೆಯ
ಕೈಯಲ್ಲಿ ಹಿಡಿದು ಹೂವಿನುಡುಗೊರೆಯ
ನೀ ತಂದ ಹೂವಿಂದೆನಗೆ ಹಾವಾಗಿ ಕಂಡಿತ್ತು.
ಮೂಗುತಿಯು ಉಸಿರುಕಟ್ಟಿಸಿತ್ತು.
ಜರತಾರಿ ಸೀರೆಯಿಂದು ಭಾರದ ಸರಪಳಿಯಾಗಿದೆ
ಮುತ್ತಿನುಂಗುರ ಮುಳ್ಳಾಗಿ ಕಂಡಿದೆ.
ಕಾಲ್ಗೆಜ್ಜೆ ಕಬ್ಬಿಣದ ಬಂದಿಯಂತಾಯ್ತು
ನಾನೊಲ್ಲೆ ನಾನೊಲ್ಲೆ ನಿನ್ನುಡುಗೊರೆ ಇಂದು
ನೀ ತೋರಿದ ದಿಕ್ಕು ಹೊಸತಿಂದು
ಆದರೂ ನೀನಿರುವ ಹೃದಯದೊಳೆಂದೆಂದು.

This site uses Akismet to reduce spam. Learn how your comment data is processed.