Need help? Call +91 9535015489

📖 Print books shipping available only in India. ✈ Flat rate shipping

ಅಳಿಸದೆ ಉಳಿಸಿ

ಅಳಿಸದೆ ಉಳಿಸಿ

ಪರಿಸರವಾಗಲು ಸಮತೋಲನ
ಪ್ರಾಣಿಪಕ್ಷಿ ಸಸ್ಯಗಳೊಂದಕ್ಕೊಂದು ಅವಲಂಬನ
ಹುಲಿಯೊಂದು ಬೆನ್ನಟ್ಟಿರೆ
ಹರಿಣಿಯ ಉದರಕ್ಕಾಗಿ
ಚಿರತೆಯೊಂದು ಕಾಡೆಮ್ಮೆಗಾಗಿ
ತೋಳವೊಂದು ಮೊಲವನಟ್ಟಿ
ಬೆಕ್ಕೊಂದು ಇಲಿಗೆ ಗುರಿಯನಿಟ್ಟಿ
ಉರಗವೊಂದು ಮಂಡೂಕವ
ನಾಯೊಂದು ವರಾಹವ
ಮುಂಗುಸಿಯೊಂದು ಹಾವಿಗೆ
ಹಲ್ಲಿಯದೋ ಕೀಟಗಳಿಗೆ
ಎತ್ತು, ಕುದುರೆ, ಒಂಟೆ, ಮಂಗ
ಆಕಳು, ಕತ್ತೆ ಕರಡಿ, ಪಕ್ಷಿ, ಸಲಗ
ಅಲೆದಾಡಿದವೆಲ್ಲ ಸಸ್ಯಕಾಗೆ
ಮೂಕ ಪ್ರಾಣಿ ಇಚ್ಛೆ ಉದರ ಮಾತ್ರವೆ
ಮಾತು ಬಲ್ಲ ಶ್ರೇಷ್ಠ ಪ್ರಾಣಿ
ಮನುಜ ಕೇಳು
ನೀನಟ್ಟುತಿಹೆ ಎಲ್ಲಾ ಜೀವಜಂತುಗಳ
ನಿರ್ವಂಶ ಮಾಡುತಿಹೆ ಎಲ್ಲಾ ವಂಶಗಳ
ಬುದ್ಧಿವಂತ ದಡ್ಡ ಮನುಜ
ಕೊಡಲಿ ಕಾಲ ಬುಡಕೆ ಇಟ್ಟು
ಅಭಿವೃದ್ಧಿಯ ನೆಪವ ಒಡ್ಡಿ
ಜಾಣ ನಿರಂಕುಶನಾಗಿ ವರ್ತಿಸುತ್ತಿಹೆ
ಅಂತ್ಯಕೆ ಆಹ್ವಾನವಿಡುತಿಹೆ
ಜೀವಿಗಳಂದಿದಿ ಮನುಜನೊಂದಂಶವೆನುತಲಿ
ಎಚ್ಚರವಿದೋ ಇಂದೇ, ಆಗಲಿ,
ಕಳಕಳಿಯು ಇರಲಿ ಸರ್ವಜೀವಿಗಳಲಿ
ಎಲ್ಲ ಬಾಳಿ ಬದುಕಲಿ
ಈ ಅನಂತ ಪೃಥ್ವಿ ಅಳಿಯದೆ ಉಳಿಯಲಿ

Leave a Reply

This site uses Akismet to reduce spam. Learn how your comment data is processed.