Need help? Call +91 9535015489

📖 Paperback books shipping available only in India.

✈ Flat rate shipping

ಆಸೆ

ಆಸೆ

ತಳಿರೆಲೆಯ ತೋರಣದ
ಚಿಗುರೆಲೆಯ ನಡುವೆ ಕುಡಿಯಾಗುವಾಸೆ
ಬರಡು ಭೂಮಿಯಲಿ ಅರಳಿದ
ಒಂದೇ ಹೂವಾಗುವಾಸೆ
ಅಂಬರದಿ ಹಾರುತಿಹ
ಹಕ್ಕಿಗಳ ಜೊತೆಗೂಡಿ
ಬಾನಲಿ ಹಾರುವಾಸೆ
ಪರ್ವತ ಶಿಖರದ
ಮೇಲು ಹೊದಿಕೆಯ
ಹಿಮವಾಗುವಾಸೆ
ಮೂಡಣದಿ ಉದಯಿಸುತಿಹ
ರವಿತೇಜನ ಬಂಗಾರದ
ಕಿರೀಟ ನಾನಾಗುವಾಸೆ
ಪಡುವಣದಿ ಮೂಡಿಹ
ಕೇಸರಿಯ ರಂಗು ನಾನಾಗುವಾಸೆ
ಕತ್ತಲಲು ಬೆಳಗುತಿಹ
ಹುಣ್ಣಿಮೆ ಚಂದಿರನಾಗುವಾಸೆ
ಕಬ್ಬಿನ ದಂಟಿನಲಡಗಿರುವ
ಸಿಹಿಬೆಲ್ಲ ನಾನಾಗುವಾಸೆ
ನೆರಳನೀವ ಹೆಮ್ಮರದ
ಒಂದೇ ಒಂದು ಟೊಂಗೆಯಲಿ
ನಾನಿರುವಾಸೆ
ಕೆರೆ ಕೊಳಗಳ ಬಿಳಿತಾವರೆ
ಆಗುವಾಸೆ
ಜೇನ ಗೂಡಿನಲಿ ಕಟ್ಟಿದ
ಸಿಹಿ ಜೇನು ನಾನಾಗುವಾಸೆ
ನಂದನವನದಲರಳಿದ
ಸೌಗಂಧಿಕ ಪಾರಿಜಾತ
ನಾನಾಗುವಾಸೆ
ಸ್ಫೂರ್ತಿಯ ನಲಿವಿನ
ಬಣ್ಣದ ಗರಿಗಳಲ್ಲೊಂದಾಗುವಾಸೆ
ವಿಶಾಲ ಸಾಗರದಾಳದಲಿ
ಕಪ್ಪೆಚಿಪ್ಪಲಿ ಅಡಗಿರುವ
ಒಂದೇ ಮುತ್ತು ನಾನಾಗುವಾಸೆ
ತಾಯ ಸೆರಗಲಿ ಬಚ್ಚಿಟ್ಟ
ಕಂದಮ್ಮನ ಗಲ್ಲದಲ್ಲಿನ
ನಗುವು ನಾನಾಗುವಾಸೆ
ನಿಜ ಮಮತೆಯ
ಸ್ವಚ್ಛ ಶುಭ್ರ ಮನ
ನಂದಾಗುವಾಸೆ
ಶುಭ್ರ ಮನ ನನ್ನದಾಗುವಾಸೆ.

One comment

  1. ಚಿಕ್ಕವರಿದ್ದಾಗ ಕೇಳಿದ ಹಕ್ಕಿಯ ಹಾಡಿಗೆ ತಲೆದೂಗುವ ಹೂ ನಾನಾಗುವ ಆಸೆ ಪದ್ಯ ನೆನೆಪಿಗೆ ಬಂತು. ಚೆನ್ನಾಗಿದೆ.

This site uses Akismet to reduce spam. Learn how your comment data is processed.

%d bloggers like this: