Your Cart

Need help? Call +91 9535015489

📖 Print books shipping available only in India. ✈ Flat rate shipping

ನಾನಿದ್ದ ಬೋಗಿಯಲ್ಲಿ

ನಾನಿದ್ದ ಬೋಗಿಯಲ್ಲಿ

ಕೂಕೂ ಚುಕ್ ಬುಕ್ ರೈಲು ನಿಲ್ದಾಣ
ಓಡಿ ಹತ್ತುವುದರಲ್ಲಿ ಜನರ ಉಲ್ಬಣ
ಕೆಲವೇ ಕ್ಷಣಗಳ ಗುದ್ದಾಟ
ನಂತರ ಶುರು ಎಲ್ಲರ ಸ್ಥಳ ಹುಡುಕಾಟ

ತಿಳಿದಿರೆ ಶಾಶ್ವತ ಯಾವುದೂ ಇಲ್ಲ
ನಡೆದಿತ್ತು ಸ್ವಾರ್ಥ ಸುತ್ತಲೂ ಎಲ್ಲಾ
ಕಳೆವುದು ಕೆಲವೇ ಗಂಟೆಗಳು ಬೋಗಿಯಲ್ಲಿ
ಎಲ್ಲರೂ ತಿಳಿವರು ತಮ್ಮದೆ ನೆಲೆಯ ಇಲ್ಲಿ

ನಿಮಿಷ ನಿಮಿಷಕೂ ತಿನಿಸುಗಳ ಪ್ರವೇಶ
ತಿಂಡಿ ಪೋತರಿಗಿದೊ ಪರಮ ಸಂತೋಷ
ಉದರಕ್ಕಿದೊ ಶುರುವಾಯಿತು ಯುದ್ಧ
ತಿಳಿದರೂ ಕೂಡ ತಿನ್ನಲು ಎಲ್ಲರೂ ಸಿದ್ಧ

ಸ್ಥಳಕ್ಕಾಗಿ ಶುರು ಹಿರಿಯರ ಆಶಾನೋಟ
ಎದ್ದರು ಕೆಲವರು ಗುನುಗುತ ಬಂತಿದೋ ಸಂಕಷ್ಟ
ಕೆಲವರದಂತು ಬರಿಯ ವಾದ ವಿವಾದ
ತಿಳಿಯದು ಇವರಿಗೆ ಹೊಂದಾಣಿಕೆಯ ಸ್ವಾದ

ಇಲ್ಲೊಂದಿಬ್ಬರದು ತಾಂತ್ರಿಕ ಪ್ರೇಮ
ವಿಚಾರಿಸುವರು ಸುಮ್ಮನೆ ಎಲ್ಲರ ಕ್ಷೇಮ
ಮುಂದಿನವರದು ಎಲ್ಲರೊಟ್ಟಿಗೆ ಸಹಕಾರ
ಪಕ್ಕದವರದು ಒತ್ತಾಯದ ಉಪ್ಪುಖಾರ

ಅಂತೂದಾರಿ ಸಾಗುತಲಿತ್ತು
ಎಲ್ಲರಿಗೆ ನಶೆ ಏರುತಲಿತ್ತು
ಕೆಲವರದಂತೂ ಕುಣಿತ, ನಲಿತಗಳು ನಡೆದವೂ ಇಲ್ಲೆ
ಆಡಿ, ಹಾಡಿ, ಜಿಗಿದರು ಕೆಲಕ್ಷಣದಲ್ಲೇ
ಆಗಮಿಸುತಿತ್ತು ಮುಂದಿನ ಸ್ಟೇಷನ್
ಚದುರಿತು ಎಲ್ಲರ ಕೋ-ಆಪರೇಷನ್

2 comments

  1. ನಿಜ. ಜೀವನವೂ ಒಂದು ಪ್ರಯಾಣ, ಅಲ್ಲಿಯೂ ಇದೆ ರೀತಿ ಹಲವಾರು ತರಹದ ಅನುಭವಗಳು ಸಿಗುತ್ತವೆ.

  2. ಕವನ ತುಂಬಾ ಚೆನ್ನಾಗಿದೆ. ಈ ಕವನ ನಿಜ ಜೀವನದ ಮುಖವಾಗಿದೆ.

Leave a Reply