Need help? Call +91 9535015489

📖 Print books shipping available only in India. ✈ Flat rate shipping

ಪ್ರೇಮಾಲಾಪ

ಪ್ರೇಮದಾಳವ ಹೇಗೆ ತಿಳಿಸಲಿನಾ ನಿನಗೆ ಪ್ರಿಯೆ
ಸೌಂದರ್ಯವ ವರ್ಣಿಸಲೆ? ನೀ ತಿಳಿಯದುದದೇನಿದೆ

ಗುಣವ ಹೊಗಳಲೆ? ನಿನ್ನ ಹೋಲಿಸಲದಾವುದಿದೆ
ನಿನ್ನ ನುಡಿಗಳೋ ನನ್ನ ಮಾತನ್ನೇ ಮರೆಸಿದೆ
ನಗುವು ನಿನ್ನ ಸಪ್ತಸ್ವರದ ಗಾನ ಲೋಕಕೆಳೆದಿದೆ
ನಿನ್ನ ಹಾಡದನಿಗೆ ನಾಚಿ ಕೋಗಿಲೆ ತಾನಡಗಿದೆ

ನೀರೆ ನಿನ್ನ ನಡೆಯು ನನಗೆ ನಾಟ್ಯೋತ್ಸವವಾಗಿದೆ
ನಿನ್ನೊಲವಿನ ನೋಟಕೆನ್ನ ಹೃದಯ ಕರಗಿ ಹರಿದಿದೆ
ಸುಮಗಳೆಲ್ಲ ಕೋಮಲತೆಯ ನಿನಗೆ ಧಾರೆ ಎರೆದಿವೆ
ಮಂದಸ್ಮಿತ ವದನ ಚಂದಮಾಮನನ್ನು ಮರೆಸಿದೆ

ಸುಳಿದಾಡಲು ತಂಗಾಳಿಯು ಪರಿಮಳವನು ಸೂಸಿದೆ
ಮಾತುಮುಗಿದು ಮೂಕನಾದೆ ನಗೆಚೆಲ್ಲಲು ತರುಣಿಯೆ

Leave a Reply

This site uses Akismet to reduce spam. Learn how your comment data is processed.