Need help? Call +91 9535015489

📖 Print books shipping available only in India. ✈ Flat rate shipping

ಹೆಣ್ಣು

ಎನಿತೆನಿತು ಯತ್ನಿಸಿದೆ
ನಿನ್ನ ವಿವರಿಸಲು
ಪದಗಳೇ ಸಿಗಲಿಲ್ಲ
ಯಾವ ಭಾಷೆಯಲೂ

ದೇವನವ ಸಿಗುವ
ಪ್ರತಿ ಪದದ ಜೋಡಣೆಗು
ಎಟುಕಲಾರದು ನಿನ್ನ
ಅಮಿತ ಗುಣ ಬೆಡಗು

ಒಲುಮೆಯಮೃತ ನಿನ್ನ
ಒಡಲಿನಲಿ ಜನಿಸಿದರೆ
ಮಾತೃತ್ವವನೆ ಹರಿಸಿ
ಜನ್ಮ ಪಾವನ ಗೊಳಿಪೆ

ಇನಿಯನಾದೊಡೆ ನಿನ್ನ
ಪ್ರೇಮ ಸುಧೆಯನು ಹರಿಸಿ
ಜೀವನದ ಪಯಣದಲಿ
ಸಹಗಾಮಿಯಾಹಿರುವೆ

ಭಗಿನಿಯಾಗಲು ನೀನು
ಭಗ್ನ ಹೃದಯವಬೆಸೆವೆ
ಗೆಳತಿಯಾದರೆ ನಿನ್ನ
ಜೀವವನೆ ಕೊಡುವೆ.

ನಿನ್ನ ಸೈರಣೆ ಸ್ಮೃತಿಯು
ನನ್ನಲಿನಿತೂ ಇಲ್ಲ
ನಾನೊಂದು ಜಡಕೊರಡು
ಚಿಗುರು ಲತೆ ನೀನೆ
ಓ ಹೆಣ್ಣೆ ಜೀವಜಗ ನೀನೆ.

Leave a Reply

This site uses Akismet to reduce spam. Learn how your comment data is processed.