Need help? Call +91 9535015489

📖 Print books shipping available only in India. ✈ Flat rate shipping

ಅಕ್ಕಮಹಾದೇವಿ

ಅಕ್ಕಮಹಾದೇವಿ

ನಿನ್ನಂತರಂಗವ ಬಿಚ್ಚಿಡುತಾ
ಚೆನ್ನಮಲ್ಲಿಕಾರ್ಜುನನ ಮೆಚ್ಚಿಸುತಾ
ಬೆತ್ತಲಾದೆ ಬೆಳ್ಳಬೆಳಗಿನಲಿ

ವೈರಾಗ್ಯದ ಪ್ರತಿರೂಪದಲಿ
ಭಕ್ತಿ ಪ್ರೇಮದ ಸಾಂಗತ್ಯದಲಿ
ತೊರೆದ ರಾಜ ಕೌಶಿಕನ
ಸಿರಿವೈಭವದ ಸಡಗರವ

ಅಂಜಿಕಿಲ್ಲ ಅಳುಕಿಲ್ಲ
ಯಾರ ಹಂಗೂ ನಿನಗಿಲ್ಲ
ಕಾರ್ಮೋಡಗಳ ಮರೆಯಲ್ಲಿ
ಸೂರ್ಯರಷ್ಮಿ ತಾ ಅವಿತಂತೆ

ಜಗಕಾವರಿಸಿದ ಮೋಹ
ನಿನ್ನಲ್ಲಿ ಸುಳಿಯದೆ
ನೀ ತೊಳೆದ ಚಿನ್ನವಾದೆ
ಭಾವಭಾವಕ್ಕೂ ಬೆರಗಾದೆ

ಮನದಾಳದಿ ಭಕ್ತಿ ಒಸಗಿಸುತ
ಅಂತರಾತ್ಮವ ಕಾಣುತ
ಕಲ್ಯಾಣದಿ ನೆರೆದಿಹಸಂತರ
ನಿಬ್ಬೆರಗಾಗಿಸಿದೆ ಅಕ್ಕ

ವೈರಾಗ್ಯ ಪ್ರತಿರೂಪ ನೀನಾದೆ
ಭೋಗ ಸರಿಸಿ ಭಾಗ್ಯವಂತೆ ನೀನಾದೆ
ಭಗವಂತನಾನಂದ
ನಿನ್ನ ವಚನದಿ ಪಡಿ ಮೂಡಿಸುತ

ಕಾವ್ಯಗಂಗೆ ನೀನಾದೆ
ಕದಳಿವನದ ತಂಪಿನಲಿ
ನಿನ್ನಾತ್ಮವ ತೊರೆಯುತಲಿ
ಮಣ್ಣಿನ ಕಣ ಕಣದಲೊಂದಾದೆ

ಒಂದಾಗಿ ಮೆರೆದೆ
ಜಗಕೆ ಅಕ್ಕನಾಗಿ ನೀ ನಿಂದೆ
ನಿನ್ನ ನಡೆನುಡಿಯಿಂದ
ಜಗಕಪರೂಪ ನೀನಾದೆ.

 

Leave a Reply

This site uses Akismet to reduce spam. Learn how your comment data is processed.