Need help? Call +91 9535015489

📖 Print books shipping available only in India. ✈ Flat rate shipping

ದೀಪ

ದೀಪ

ಕತ್ತಲೆಯ ಬೆತ್ತಲಾಗಿಸಿ
ಕಿರುನಗೆಯ ಸೂಸಿ
ತನ್ನಿರುವಿಕೆಯಾ ಮೆರೆಯುತಿದೆ
ಹಣತೆಯ ದೀಪ

ಸುತ್ತಲೂ ಬೆಳದಿಂಗಳ ಬೆಳಕು ಚೆಲ್ಲಿ
ಲಾಸ್ಯವಾಡುತಿದೆ ಅಲ್ಲಿ
ತಾನೇ ಕೊರಗೀ ಕರಗೀ
ಬೆಳಕ ನೀಡಿ ಸಂಭ್ರಮಿಸುತಿದೆ
ಮೇಣದಾ ದೀಪ

ನಕ್ಷತ್ರ ಪುಂಜಗಳೂ ತಮ್ಮ ಪರಿಧಿಯಲಿ
ಮಿಣುಮಿಣುಕ ಬೆಳಕ ಹರಡಿ
ಪಯಣಿಗನಿಗೆ ದಾರಿದೀಪವಾಗಿವೆ

ಚಂದ್ರ ಚಕೋರನೂ ಭಾವನೆಗಳ ಏರಿಳಿತಕ್ಕೊಳಗಾಗಿ
ನಾಡಿನ ಕಾಡಿನ ತುಂಬೆಲ್ಲ
ಬೆಳದಿಂಗಳ ಬೆಳಕೊಮ್ಮೆ
ಕತ್ತಲೆಯ ಮುಸುಕೊಮ್ಮೆ
ಹೊದ್ದು ಮೆರೆಯುತಿಹ

ಜಗದಕಲಕೂ ತನ್ನ ಪ್ರತಿಭೆ ಮೂಡಿಸಿ
ಜೀವ ಜೀವಕೂ ಆಧಾರವಾಗಿಹ ರವಿ
ತಾ ಆಕಾಶದಿ ಮೆರೆಯುತಿಹ
ತನ್ನ ಬಾಳ ಹಾದಿಯಲಿ
ಯಾರಿಗೂ ಯಾವುದೇ

ಬೆಳಕ ನೀಡದೇ
ತನ್ನ ಸ್ವಾರ್ಥತೆಯ
ಮುಸುಕಿನಲಿ
ಗುದ್ದಾಡುತಿಹ ಮಾನವ
ಎಚ್ಚೆತ್ತುಕೋ ಪರರಿಗೆ
ಬೆಳಕಾಗಿ ನಡೆವ ಮರ್ಮ
ಇದುವೇ ಧರ್ಮ ನೀನರಿತುಕೋ

 

Leave a Reply

This site uses Akismet to reduce spam. Learn how your comment data is processed.