ಇನ್ನೊಂದು ಸಂತೆ

ಧಾರವಾಡದ ಅವರ ಹಳೆಯ ದಿನಗಳಿರಬಹುದು ಅಥವಾ ಇಂದಿನ ಬೆಳಗಿನ ವಾಕ್ ಇರಬಹುದು – ಅದನ್ನು ಹೇಳುವ ಕ್ರಮದಲ್ಲಿ, ಅವರಿಗೇ ವಿಶಿಷ್ಟವಾದ ನವಿರಾದ ಹಾಸ್ಯದಿಂದ ಸನ್ನಿವೇಶವನ್ನು ಗ್ರಹಿಸುವಲ್ಲಿ ಅವರ ಕಥನದ ಪ್ರತಿಭೆಯಿದೆ. ಅವರಿಗಿರುವ ಈ ಶಕ್ತಿಯಿಂದಾಗಿಯೇ ‘ಶ್ರದ್ಧಾ’ದಂತಹ ಅವರ ಪ್ರಬಂಧಗಳಿಗೆ ದಟ್ಟ ವಿವರಗಳನ್ನೊಳಗೊಂಡ ಕಥೆಯ ಮೈಕಟ್ಟು ಮಾತ್ರವಲ್ಲ ಅಷ್ಟೇ ಬಲವಾದ ಅನುರಣನ ಶಕ್ತಿಯೂ ಇದೆ. ಎಲ್ಲ ಅತ್ಯುತ್ತಮ ಸಾಹಿತ್ಯದಲ್ಲಿರುವಂತೆ ಬದುಕಿನ ಒಲವು ನಲಿವು ದುಃಖ ಸುಖಗಳು ವೈದ್ಯರ ಬರವಣಿಗೆಯಲ್ಲಿ ಒಟ್ಟಿಗೇ ಇರುತ್ತವೆ. ಪ್ರಸ್ತುತ ಪುಸ್ತಕ ‘ಇನ್ನೊಂದು ಸಂತೆ’ಯು ಅವರ ಸೃಜನಶೀಲ ಪ್ರತಿಭೆಗೆ ಇನ್ನೊಂದು ಉದಾಹರಣೆ.