ಸಮಕ್ಷಮ ( Ebook )

ಸಾಮಾಜಿಕ ಬದುಕಿನ ಎಲ್ಲ ಸ್ತರಗಳಲ್ಲಿಯೂ ಎದ್ದು ಕಾಣಿಸುವ ಲಿಂಗ ತಾರತಮ್ಯದ ವಿರುದ್ಧ ಸ್ತ್ರೀಪರ ಧ್ವನಿಗಳು ಕೇಳಿಸತೊಡಗಿ ದಶಕಗಳೇ ಸಂದರೂ ಸಾಂಪ್ರದಾಯಿಕ ಕಟ್ಟುಪಾಡುಗಳಿಂದ ಮಹಿಳೆಗೆ ಇಂದು ಕೂಡಾ ಪೂರ್ಣ ಬಿಡುಗಡೆ ಸಿಕ್ಕಿಲ್ಲ. ಶಿಕ್ಷಣ-ಉದ್ಯೋಗಗಳ ಅವಕಾಶ ಅವಳಿಗೆ ಸಿಕ್ಕಿದೆಯಾದರೂ ಸಂಪ್ರದಾಯವು ಅವಳ ಸುತ್ತ ರಚಿಸಿದ ಕೃತಕ ಗೋಡೆಗಳೊಳಗಿನ ಉಸಿರುಗಟ್ಟಿಸುವ ವಾತಾವರಣದಿಂದ ಹೊರಬಂದು ನಿರಾಳವಾಗಲು ಪುರುಷ ಪ್ರಧಾನ ಸಮಾಜದ ಪೂರ್ವಗ್ರಹಗಳು ಅವಳನ್ನು ಬಿಟ್ಟಿಲ್ಲ. ಗೃಹಕೃತ್ಯ-ಉದ್ಯೋಗಗಳೆರಡನ್ನು ಒಟ್ಟೊಟ್ಟಿಗೆ ನಿಭಾಯಿಸಬೇಕಾದ ಅಸಹಾಯಕ ಸ್ಥಿತಿಯಲ್ಲಿ ಬರೆಯುವ ಪ್ರತಿಭೆ-ಉತ್ಸಾಹಗಳಿದ್ದರೂ ಸಮಯದ ಅಭಾವವು ಅವಳನ್ನು ನಲುಗಿಸುತ್ತಿದೆ. ಅಪೂರ್ವಕ್ಕೆ ಸಿಕ್ಕುವ ಅಮೂಲ್ಯ ಸಮಯವನ್ನು ಅವಳು ಬಹಳ ಜತನದಿಂದ ಉಪಯೋಗಿಸಿಕೊಳ್ಳಬೇಕಾಗಿದೆ.