Shopping Cart

Need help? Call +91 9535015489

📖 Paperback books shipping available only in India.

✈ Flat rate shipping

ಗಾಂಧಿ – ಮೌಲ್ಯಗಳ ನಡುವಿನ ಮೌನ

ಮಹಾತ್ಮ ಗಾಂಧೀಜಿ ಕುರಿತು ತಾರ್ಕಿಕವಾಗಿಯೂ ಭಾವುಕವಾಗಿಯೂ ಬರೆಯಬಲ್ಲ ಅರವಿಂದ ಚೊಕ್ಕಾಡಿ ಅವರು ಗಾಂಧೀಜಿಯವರ 150ನೇ ಜನ್ಮದಿನಾಚರಣೆಯ ಭಾಗವಾಗಿ ಬರೆದ ಕೃತಿ ಇದು.ಗಾಂಧೀಜಿ ಬದುಕಿದ್ದುದು 79 ವರ್ಷ. ಹಾಗಾಗಿ ಈ ಪುಸ್ತಕದಲ್ಲಿ 79 ಬಿಡಿ ಲೇಖನಗಳು ಇವೆ ಎಂದು ಚೊಕ್ಕಾಡಿ ಹೇಳಿದ್ದಾರೆ. ಎಷ್ಟು ಓದಿದರೂ ಮುಗಿಯದ ಗಾಂಧೀಜಿಯ ಜೀವನ ಮಾರ್ಗ ಮತ್ತು ಚಿಂತನೆಗಳ ಕೊಲಾಜ್‌ನಂತೆ ಇದೆ ಈ ಕೃತಿ.ಪ್ರತಿ ಬರಹವೂ ಪುಟ್ಟ ಪುಟ್ಟದ್ದಾಗಿದ್ದು, ಅದು ಕೆಲವೇ ನಿಮಿಷಗಳ ಓದಿನಲ್ಲಿ ಮುಗಿಯುತ್ತದೆ. ಆದರೆ, ಪ್ರತಿ ಬರಹದ ಓದು ಕೂಡ ಒಂದಿಷ್ಟು ಹೊತ್ತು ಚಿಂತನೆಗೆ ಹಚ್ಚುತ್ತದೆ. ಏಕಕಾಲದಲ್ಲಿ ಸರಳವೂ ಗಹನವೂ ಆಗಿರುವ ಬರಹಗಳು ಓದುಗನ ದೃಷ್ಟಿಯನ್ನು ಹಿಡಿದು ಇರಿಸಿಕೊಳ್ಳುತ್ತವೆ. ಗಾಂಧೀಜಿ ಅವರ ಹಾಸ್ಯಪ್ರಜ್ಞೆಯನ್ನು ವಿವರಿಸುವ ಲೇಖನವೊಂದು ಕೊನೆಯಲ್ಲಿ, ‘ತಮ್ಮನ್ನು ತಾವೇ ಹಾಸ್ಯ ಮಾಡಿಕೊಳ್ಳಬಲ್ಲ ಸಾಮರ್ಥ್ಯವಿರುವವರ ಆತ್ಮಸ್ಥೈರ್ಯವನ್ನು ಯಾರೂ ಕಸಿದುಕೊಳ್ಳಲಾರರು’ ಎಂಬ ಮಾತಿನೊಂದಿಗೆ ಮುಕ್ತಾಯವಾಗುತ್ತದೆ. ಗಾಂಧೀಜಿ ಅವರಲ್ಲಿನ ಗುಣಗಳಿಂದ ಮೌಲ್ಯಗಳನ್ನು ಕಲಿಯುವ ಬಗೆಯಾಗಿಯೂ ಇಲ್ಲಿನ ಬರಹಗಳನ್ನು ಓದಿಕೊಳ್ಳಬಹುದು

courtsey:prajavani.net

https://www.prajavani.net/artculture/book-review/gandhi-book-review-707207.html

This site uses Akismet to reduce spam. Learn how your comment data is processed.