ಕಿಶೋರ ಸಂಸ್ಕಾರ

ಕಿಶೋರ ಸಂಸ್ಕಾರ:

ನಮ್ಮ ಪರಿಸರದಲ್ಲಿ ಕಾಣುವ ಹದಿವಯದ ಮುಕ್ತ ರೀತಿ-ನೀತಿ, ಆಡುವ ಭಾಷೆ, ಸಾರ್ವಜನಿಕ ಸ್ಥಳಗಳಲ್ಲಿ ನಡೆದುಕೊಳ್ಳುವ ರೀತಿ, ಗೆಳೆಯರು ಕೂಡಿದಾಗ ಕಂಡುಬರುವ ಸ್ವಚ್ಚಮದಾತೆ, ಹಾಸ್ಯದ ನಗುವು ಸಂಸ್ಕಾರಹೀನರೆಂದೇ ಭಾಸವಾಗುವುದರ ಜೊತೆಗೆ ನಾವು ಕತ್ತಲೆಯಿಂದ ಬೆಳಕಿನೆಡೆಗೆ ಪಯಣಿಸಬೇಕಾದವರು ಅನಾಗರಿಕತೆಯ ದಾರಿಯನ್ನು ತುಳಿಯುತ್ತಿದ್ದೆವೋ ಎಂದೆನಿಸುತ್ತಿರುವುದು ಹಿರಿಯರ ಆತಂಕ. ಕೆಲವರು ವ್ಯಕ್ತವಾಗಿ ಹೇಳಿಕೊಂಡಿದ್ದರ ಫಲಶ್ರುತಿಯೇ ಈ ಕೃತಿರಚನೆಗೆ ಪ್ರೇರಣೆ. ಹದಿವಯಸ್ಸು ಪರಿವರ್ತನೆಯ ಕಾಲ, ರೂಪ, ಸ್ವರ, ವಿಚಾರಶೀಲತೆ, ಎಲ್ಲವೂ ಬದಲಾಗುವ ಸಮಯ. ಈ ಸಮಯದಲ್ಲಿ ಪಾಲಕರಿಂದ ಮಕ್ಕಳಿಗೆ ಸೂಕ್ತ ಮಾರ್ಗದರ್ಶನ, ಸಂಸ್ಕಾರ ದೊರೆತರೆ, ಕಿಶೋರರ ಭವಿಷ್ಯದ ಬಾಳು ಬಂಗಾರವಾಗುವದರಲ್ಲಿ ಸಂಶಯವಿಲ್ಲ. ಈ ಅಂಶಗಳನ್ನು ಹೊತ್ತು ವ್ಯಕ್ತಿತ್ವ ವಿಕಸನಕ್ಕೊಂದು ದಾರಿಯಾಗಲಿ ಎಂದು “ಕಿಶೋರ ಸಂಸ್ಕಾರ” ಕುರಿತು ಬರೆಯಬೇಕೆಂದೆನಿಸಿತು.