ಕೊರೋನ ಹೆದರದಿರೋಣ

ಹೊಸ ವರ್ಷ ೨೦೨೦ರಲ್ಲಿ ವಿಶ್ವವ್ಯಾಪಿಯಾಗಿ ಹರಡಿರುವ ಹೊಸ ಕೊರೋನ ವೈರಸ್ ಸೋಂಕಿನ ಬಗ್ಗೆ ಅತಿ ಬೇಗನೇ ಬಹಳಷ್ಟನ್ನು ಅರಿಯುವುದಕ್ಕೆ ವೈದ್ಯಕೀಯ ವಿಜ್ಞಾನ, ತಂತ್ರಜ್ಞಾನಗಳು ನೆರವಾಗಿವೆ. ಆದರೂ ಈ ಹೊಸ ರೋಗದ ಬಗ್ಗೆ ಹಿಂದೆಂದೂ ಕಾಣದ ಭಯ, ಆತಂಕಗಳು ಸೃಷ್ಟಿಯಾಗಿವೆ, ಸೋಂಕನ್ನು ನಿಯಂತ್ರಿಸುವುದಕ್ಕೆಂದು ಅನೇಕ ದೇಶಗಳು ಅತಿ ಕಠಿಣವಾದ ದಿಗ್ಭಂಧನಗಳನ್ನು ವಿಧಿಸಿವೆ, ವೈದ್ಯಕೀಯ ಸೇವೆಗಳು ಹತಾಶವಾಗಿವೆ, ಮಾನವೀಯ ಸಂಬಂಧಗಳು ಪರೀಕ್ಷೆಗೊಳಗಾಗಿವೆ. ಸೋಂಕಿನ ವಿವಿಧ ಆಯಾಮಗಳ ಬಗ್ಗೆ ಮಾಹಿತಿಯನ್ನು ಒದಗಿಸುತ್ತಲೇ ಇದ್ದ ಡಾ||ಶ್ರೀನಿವಾಸ ಕಕ್ಕಿಲ್ಲಾಯ ಮತ್ತು ಡಾ||ಬಾಲಸರಸ್ವತಿ ಅವರು ಈ ಬಗ್ಗೆ ಲಭ್ಯವಾಗಿರುವ ವೈಜ್ಞಾನಿಕವಾದ, ವಸ್ತುನಿಷ್ಠವಾದ ಮಾಹಿತಿಯನ್ನು ‘ಕೊರೋನ-ಹೆದರದಿರೋಣ’ ಎಂದು ಈ ಕೃತಿಯಲ್ಲಿ ಕನ್ನಡಿಗರಿಗೆ ಒದಗಿಸಿದ್ದಾರೆ.