ಶೃಂಗಾರ ಕಥೆಗಳು

ಇದು ಪುರಾಣ ಪ್ರಸಂಗಗಳಿಂದ ಆಯ್ದ ಕಥೆಗಳು. ಕಥಾ ಹಂದರ ತುಂಬಾ ವಿಸ್ತಾರವಾದುದಾದರೂ ಶೃಂಗಾರಕ್ಕೆ, ಪ್ರಣಯಕ್ಕೆ, ವಿವಾಹಕ್ಕೆ ಮಾತ್ರ ಸೀಮಿತಗೊಳಿಸಿಕೊಂಡು ಇನ್ನಿತರ ಅಂಶಗಳನ್ನು ಗೌಣ ಮಾಡಿದೆ. ಉದಾಹರಣೆಗೆ ನಳ – ದಮಯಂತಿ ಮದುವೆಯಾದ ಮೇಲೆ, ದೇವಯಾನಿ – ಯಯಾತಿ ಮದುವೆಯಾದ ಮೇಲೆ – ಪುರೂರವನನ್ನು ಊರ್ವಶಿ ಬಿಟ್ಟು ಹೊರಟು ಹೋದ ಮೇಲೆ ಕಥೆ ಬೇರೆಯದೇ ಜಾಡು ಹಿಡಿಯುತ್ತೆ. ಹೀಗಾಗಿ ಆ ಅಂಶಗಳು ಶೃಂಗಾರ ಕಥೆಗಳ ಹಂದರದಲ್ಲಿ ಸೇರಿಸಿಲ್ಲ. ಎರಡು ಪಾತ್ರಗಳ ಪರಿಚಯ, ಸಂಗಮ, ಪ್ರೀತಿ ಮೂಡುವುದು, ಅದು ಮದುವೆಯಲ್ಲಿ ಪರ್ಯವಸನವಾಗುವುದಷ್ಟಕ್ಕೆ ಮಾತ್ರ ಕಥೆಯನ್ನು ಸೀಮಿತಗೊಳಿಸಲಾಗಿದೆ. ಹೀಗಾಗಿ ಇವೆಲ್ಲ ಶೃಂಗಾರ ಕಥೆಗಳು.