ಮಾನಸಿಕ ಸಮಸ್ಯೆಗಳಿಗೆ ‘ಮನಸ್ಸು’ ಇಲ್ಲದ ಮಾರ್ಗ

‘ಮನಸ್ಸು’ ಇಲ್ಲದ ಮಾರ್ಗ ಎರಡು ವಿಶಿಷ್ಟ ಕಾರಣಗಳಿಗಾಗಿ ಕನ್ನಡಿಗರ ಗಮನ ಸೆಳೆಯಬೇಕಾದ ಮಹತ್ವದ ಕೃತಿ. ಮನಸ್ಸಿಗೆ ಸಂಬಂಧಿಸಿದ ದಾರ್ಶನಿಕ ಪರಿಕಲ್ಪನೆಗಳೇ ಹೆಚ್ಚಿರುವ ನಮ್ಮಲ್ಲಿ ಮಾನಸಿಕ ಅಸ್ವಸ್ಥತೆಗೆ ಕಾರಣವಾಗುವ ಮಾನಸಿಕ ಕ್ರಿಯೆಯ ವೈಜ್ಞಾನಿಕವೆನಿಸುವ ಅರಿವನ್ನು ತಂದುಕೊಳ್ಳಲು ಈ ಕೃತಿ ಸಹಾಯ ಮಾಡುವುದು ಮೊದಲನೆಯ ಕಾರಣ. ಸೈಕೊಥೆರಪಿಯ ನವ್ಯ ಸಾಧ್ಯತೆಯೆನಿಸಿರುವ ಟ್ರ್ಯಾನ್ಸ್ಯಾಕ್ಷನಲ್ ಅನಾಲಿಸಿಸ್ ನ ಆಧಾರದಿಂದ ತಾನೇ ಮಾಡಿದ ಪ್ರಯೋಗ, ಚಿಕಿತ್ಸಾ ವಿಧಾನಗಳ ದೃಷ್ಟಾಂತದಿಂದ, ಮಾನಸಿಕ ಆರೋಗ್ಯಕ್ಕೆ ‘ಮನಸ್ಸು’ ಇಲ್ಲದ ಮಾರ್ಗಗಳು ಹೇಗೆ ಸಾಧ್ಯವೆಂಬುದನ್ನು ಲೇಖಕರು ಸಮರ್ಥವಾಗಿ, ಸುಂದರವಾಗಿ ನಿರೂಪಿಸಿರುವುದು ಎರಡನೆಯ ಕಾರಣ. ಈ ಕೃತಿ ಕನ್ನಡಿಗರಿಗೆ ಒಂದು ಅಭಿನಂದನೀಯ ಕೊಡುಗೆ.
-ವ್ಯಾಸರಾಯ ಬಲ್ಲಾಳ