Your Cart

Need help? Call +91 9535015489

📖 Print books shipping available only in India. ✈ Flat rate shipping

ಪ್ರಕೃತಿ ಹೆಣ್ಣು

ಪ್ರಕೃತಿ  ಹೆಣ್ಣು

ಪ್ರಕೃತಿ ಮಾತೆಯೇ ಹೆಣ್ಣಾಗಿ
ಬಂದಿಳಿದಿಹಳು ಈ ಇಹದಲಿ
ಕಷ್ಟಕೋಟಲೆ
ನಿಷ್ಠೂರ ಕಾಟಗಳಲೇ
ಹಣ್ಣಾಗಿ ಸಣ್ಣಾಗಿ
ಮನಮಿಡಿಯುತಿಹಳು

ಬಿರುಸಿನಾ ಬೇಗುದಿಗೆ
ಮನವ ತಲ್ಲಣಿಸಿ
ಇನಿತು ಇನಿತಾಗಿ
ತನ್ನ ತಾನೇ ಕರಗುತಿಹಳು

ಕಾರುಣ್ಯದ ನೋಟಕೆ ಹಪಹಪಿಸಿ
ಪ್ರೇಮದಾ ಸಿಂಚನಕೆ ಪರಿತಪಿಸಿ
ತನ್ನೊಡಲ ಕುಡಿಗೆ ಉಣಬಡಿಸಿ
ತಾನಿರುತಿಹಳು ಉಪವಾಸ ವನವಾಸದಲಿ

ಹೆಣ್ಣಿಗೆ ರಜ ಎಂಬುದಿಲ್ಲ
ಒಳಹೊರಗೂ ದುಡಿದು
ಒಳಹೊರ ಉಸಿರು ಒಂದಾಗಿಸೆ
ಬಾಳ ಬೆಳಗಬೇಕೆಂಬಾಸೆ

ಹೆಣ್ಣು ಹುಟ್ಟಿ ತಾ
ಎರಡು ಮನೆಯ ಬೆಳಗುವಳು
ತನ್ನ ಬಾಳ ಕಹಿ ಮರೆತು
ಬಾಳಲಿ ಬೆಳದಿಂಗಳಾಗುವಳು

Leave a Reply