Your Cart

Need help? Call +91 9535015489

📖 Print books shipping available only in India. ✈ Flat rate shipping

ಶ್ರಾವಣ ಬಂತು

ಶ್ರಾವಣ ಬಂತು

ಶ್ರಾವಣ ಬಂತು ಆನಂದ ತಂತು
ಹಬ್ಬ ಹರಿದಿನಗಳ ಶುಭವೇಳೆ ತಂತು
ಕಡಬು ಹೋಳಿಗೆ ಪಾಯಸಗಳ ಆಗರ
ಮನೆ ಮನೆಯಲೂ ಆನಂದದ ಸಾಗರ

ನೀಲಾಕಾಶ ಬದಲಾಯಿತು
ಮೈಬಣ್ಣ ಕಪ್ಪಾಯಿತು
ಕಪ್ಪು ಮೈಯ್ಯಲಿ ಮೇಘಗಳಾವೃತ
ಗಿರಿಪರ್ವತಗಳಿಗೂ ಮುತ್ತನಿಕ್ಕುತ

ಸುರಿಸುತಿಹ ಜಲಧಾರೆ ಭುವಿಗೆ
ಧರೆಯಲ್ಲಿ ಮೆರೆದೀತು ತಂಪು
ರಮಣೀಯತೆಯ ಕಂಪು
ಹಕ್ಕಿಗಳ ಉಲಿಯುವಿಕೆಯ ಇಂಪು

ಭೂತಾಯಿ ಮೈಬಸಿರು
ಅದಕಾಗೇ ತೊಡೆವಳು ಹಸಿರು
ಭೂಗಿರಿ ಕಂದರಗಳೆಲ್ಲದರ ಮೇಲೆ ಹಸಿರು ಹೊದಿಕೆ
ಶುಭ್ರ ಜಲಧಾರೆ ಆಗಸದಿ ಭೂಮಡಿಲ ಪದರಕೆ

ರವಿ ತಾ ಕಾಣದಾದ ಮೇಘಗಳ ಮರೆಗೆ
ಬಿಡುವಿಲ್ಲದ ರೈತ ಕೆಸರಲಿ ತೊಡಗಿರೆ
ಹಕ್ಕಿಪಕ್ಷಿಗಳ ಉಲಿಯುವಿಕೆ ಮನಕೆ ಸಂತಸ ಒದಗಿಸಿರೆ
ಎಲ್ಲೆಲ್ಲೂ ಆನಂದದ ಲಹರಿ

ಶ್ರಾವಣದ ಶುಭವೇಳೆ
ಮನೆಮನೆಯಲೂ ಗೌರಿಪೂಜೆ
ಮಂಗಳಗೌರಿಯ ಉಪಾಸನೆ
ಮಂತ್ರಾಲಯ ಯತೀವರ್ಯತರ ಆರಾಧನೆ

ಚೌತಿ ಪಂಚಮಿಗಳ ಸಡಗರ
ತವರುಮನೆಗಾಗಮಿಸಿದ ಲಲನಾಮಣಿಗಳ ಆಡಂಬರ
ಹಳ್ಳನದಿ ಕೊಳ್ಳಗಳು ತುಂಬಿ ತುಳುಕುತ
ಪ್ರಕೃತಿ ಮಾತೆಯ ನಯನ ಮನೋಹರ

ಎಲ್ಲೆಡೆ ಉಲ್ಲಾಸ ಹಸಿರ ಪಸೆ
ಮನಕಾನಂದದ ಒರಸೆ
ಜೀವಜಲನದಿಯ ಸೊಗಸೆ
ತುಂಬಿ ಹರಿವ ಜೀವ ಜೀವಕೊ ಉಣಬಡಿಸೆ

ಶ್ರಾವಣ ಬಂತು ಆನಂದ ತಂತು
ಶ್ರಾವಣ ಬಂತು ಆನಂದ ತಂತು.

Leave a Reply